Saturday, April 10, 2010

انت ليه مش ماسك ايدى؟




قبل الخطوبه



أنت ليه مش بتمسك إيدي وإحنا ماشيين في الشارع؟
لأ بلاش , افرضي حد من قرايبك شافنا ؟ ولا حد من صحاب اخوكي في الكلية بص لئانا كده ماسكين ببعضنا

إن شاء الله يا حبيبتي بكره نتخطب وامسك إيديكي ادام الدنيا كلها.



 

بعد الخطوبه

 


أنت ليه مش بتمسك إيدي وإحنا ماشيين في الشارع؟

 
علشان مش عاوز حد يفتكر إننا علشان اتخطبنا هنصيع بقى ونعيش حياتنا...

 
وبعدين بصراحة كده احسن ... إن شاء الله بكره نتجوز وامسك إيدك وإنتي مراتي حبيبتي في الحلال.

 

بعد الجواز

 

أنت ليه مش بتمسك إيدي وإحنا ماشيين في الشارع؟
يا حبيبتي إحنا مش مراهقين بقى هنمسك إيد بعض في الشارع وكده ... إحنا اتنين متجوزين ومحترمين وعندنا بيت نعمل فيه اللي عاوزين نعمله.

 

بعد أول بنت لهم

 


أنت ليه مش بتمسك إيدي وإحنا ماشيين في الشارع؟

يعني امسك إيدك والا امسك إيد البنت والا اشيل الأكياس دي كلها؟!

 



بعد مرور السنين وخطوبه بنتهم



 

أنت ليه مش بتمسك إيدي وإحنا ماشيين في الشارع؟

 
إيدك إيه بس اللي هامسكها دلوقتي! إنتي عاوزه جوز بنتك يقول علينا كبرنا وخرفنا ؟

1 comments:

Anonymous said...
This comment has been removed by a blog administrator.