اول يوم فى الكليه انا لسه فاكره ودايما كل حاجه فى اولها بتبقى مش مفهومه
احنا فى بيطرى و كثير من كليات القمه بناخد اول سنه فى علوم و كمان الطبيعى ان الدراسه فى الجامعات بتتاخر اسبوع عن المدارس علشان الناس تكون ظبطتت نفسها و الى اخر المواضيع دى وده طبعا انا مكنتش عارفه ولكنى متعود على المدرسه و الانضباط فى حين ان مفيش طالب فى الكليه و حتى اللى حضروا راحوا علوم و على فكره بيطرى الزقازيق و علوم الزقازيق بينهم و بين بعض مدينه الزقازيق يعنى دى فى اولها و دى فى اخرها
المهم انا اخدت الاجنده و لبست حتت طقم جامد موت و رحت الكليه ولقيت قدام مدرجات اولى و فى الجونينه اللى بيسميها بعض المثقفين الحديقه و ان كان ده مش موضوعنا لقيت كراسى و شمسيات و كانت اول و اخر مره الاقيهم
قعدت تحت شمسيه و انجعصت و استنيت جو الجامعه يبدا
انا طبعا مستنى زى ما بشوف فى الافلام البنات هتيجى تترمى تحت رجلى و الجو اللى بالك فيه
المهم مفيش حاجه من دى حصلت و الدبان اكلنى لدرجه انى كرهت الجامعه و
و الا اقولكم بعدين اكمل
0 comments:
Post a Comment