و من العجيب ما يحدث دوما من اعتراف الاخرين باخطائهم و لكن نحن الذين نغفر للاخرين اخطائهم رغم عدم مغفرته لانفسنا و طبعا انتم مش فاهمين قصدى لانى تقريبا مش فاهم
افهمكم
لما تويوتا العالميه تقول معلش انا عندى مشكله فى عربياتى يقوم اسمه ايه ده بتاع تويوتا مصر يقوم و يقول لا تويوتا سليمه و مفيهاش اخطاء و هو انت هتفهم اكتر من صحابها و لكن دى مش القضيه لاننا مش بتوع عربيات و اوعوا تنسوا انى دكتور بيطرى
لما يستوردوا لحمه من الهند و يقوم طبيب بيطرى شاب و يقول لا دى فيهادوده الساركوسيست فيقولوا لا و يبهدلوه و يدخلوا اللحمه مصر على الرغم من ان سفاره الهند بعتت وقالت ان الدوده دى مستوطنه فى الهند و معلش جمدوا اللحمه عند 10 تحت الصفر او اسلقوها عند 60 درجه مئويه و هتبقى كويسه و طبعا ده كلام محترم و العيب على اللى استورد و اللى دخلها و لا يمكن العيب على الدكتور البيطرى الشاب اللى رفضها من الاول؟
الله يمسيك بالخير يا امير.. و طبعا هتسالوا مين امير؟
ده واحد صحبى متعرفهوش هههههههههههههه
اترفد من المطار بسبب امانته لان كان فى دفعه بط مليان سالمونيلا و لزقوهالوا علشان يخلصوا منه
و هنروح بعيد ليه؟
و الا اقولكم خليها بعدين و مستنى ردكم
0 comments:
Post a Comment